Finalerdietarako sailkatuak, finalari begira!

Gibelalde-Satrustegi eta Aristi-Garmendia bikoak Gazte mailako Gipuzkoako Xare Txapelketaren  finalerdietarako sailkatu dira  bigarren jardunaldiko euren partidak irabazita. 

Ostiralean, Unai Gibelaldek eta Mikel Satrustegik 40-29 irabazi zieten Enaitz Irazusta eta Ander Mujikari. 

Hasera ona  eman zioten  Enaitzek eta Anderrek partidari, eta markagailuan aurrea hartzea lortu zuten.  Enaitzen eta Anderren lehen tantuetako  oldarraldiari eutsi eta gero,   Unai eta Mikel euren joko erasokor eta sendoa egiten hasi ziren; horrela,  pixkanaka-pixkanaka,  markagailuan aurrea hartu eta aldea egiten hasi ziren. Enaitzek eta Anderrek ez zuten etsi, baina Unaik eta Mikelek partidaren amaiera arte  ondo eutsi zioten aldeari.  Ondorioz, bitik bi  partida irabazita, finalerdiak jokatzeko txartela eskuratu dute Unaik eta Mikelek. Enaitzek eta Anderrek, berriz, azken jardunaldian jokatuko dute finalerdietarako sailkapena. 

Larunbat arratsaldean, Ur Aristik eta Oier Garmendiak 40-31 irabazi zieten Paule Fernandez eta Ibai Larrañagari. Partida erdira arte  berdinketa izan da nagusi bi bikoen artean(20-19);  hemendik aurrera,  Urrek eta Ibaik sendo jokatzen jarraitu zuten bitartean, Paulek eta Ibaik zertxobait behera egin zuten euren jokoan, lehen zatian baino huts gehiago eginez. Ondorioz, Urrek eta Oierrek ere,  bitik bi partida irabazita, finalerdietarako txartela lortu zuten. 

Hori dela eta, 3. jardunaldi guztiz interesgarria izango da datorren asteburuan jokatuko dena; batetik,  bi bikote hauen arteko partida jokatuko delako, eta irabazleak finala jokatzeko txartela eskuratuko duelako;  galtzaileak, berriz,  finalerdia jokatuko du Enaitz Irazusta-Ander Mujika eta Paule Fernandez-Ibai Larrañaga bikoen arteko partidaren  irabazlearen kontra.  Beraz, jardunaldi  erabakiorra datorren asteburuan Ametsa trinketean jokoan izango dena.