Ez zen ezustekorik izan!

I. Irurako Ostatua Xare Irekiaren finalak erabakita geratu dira, eta ezustekorik gabe, faboritoek aurrera atera zituzten euren partidak. 

Nagusien mailako, Enaitz Irazusta-Oier Iturbe eta Unai Gibelalde-Markel Mujika partidarekin eman zitzaion hasera finalerdietako jaialdiari. 

Enaitz-Oier bikoak 2-0(15-9/15-12) irabazi zuen partida, baina  bi jokoak oso lehiatuak(9-9/11-11) eta maila onean jokatuak izan ziren. Bi atzelarien -Oier eta Markel- arteko norgehiagoka oso gogorra izan zen, eta biek kamiseta ederki izerdiduta amaitu zuten. Oierrek partida haseran ezkerreko eskuan min hartu zuen, eta, Unai eta Markeli meriturik kendu gabe,  honek baldintzatu zuen zertxobait partida; ezkerrez juxtu samar aritu zen, baina eskuinez zulo handiak egiten ditu. Markelek oso ondo eutsi zion, eta zenbait unetan baita ondo estutu ere. Bi aurrelariek ere-Enaitz eta Unai- ondo aritu ziren eta duintasunez bete zuten euren lana. Unai juxtuxeago ibili zen aste osoan gripeak jota egon delako, eta, ondorioz,  indarrez juxtu samar ibili zen; Enaitzek  oso ondo bete zuen bere lana, eta laguntza ederra izan zen Oierrentzat. 

Bigarren finalerldian, Xuban Lopetegi -Gorka Huizi  bikoak  (2-0 ) arazorik gabe, nagusitasun osoz, irabazi zion Matxalen Mendizabal-Ander Mujika bikoari. 

Xuban-Gorka bikoa oso ondo aritu zen; Xubanek,  sakea baliatuz, min handia egin zuen, eta hortik abiatuta nahieran jokatu zuen, era guztietako jokaldiak burutuz; Gorkak, izan zuen lan apurra oso ondo bete zuen. Galtzaileak, berriz, saiatu baziren ere,  ezinean, pilotaren atzetik ibili ziren partida osoan,  eta inoiz ez zuten dominatzera pasatzeko aukerarik izan. 

Hortaz, Xuban Lopetegi-Gorka Huizi eta 

Enaitz Irazusta-Oier Iturbe izango da

I. Irurako Ostatua Xare Irekiaren Nagusi mailako finala. 

Hirugarren partida, Gazte mailako finalerdia izan zen. Eneko Larrañaga-Izei Garmendia bikoak 2-1 (15-6/7-15/10-5) irabazi zion Paule Fernandez-Ur Aristi bikoari. Lau pilotariak buru-belarri aritu ziren, eta oso tantu luze eta bikainak ikusi ahal izan genituen.  Gainera, emozio faltarik ere ez zuen izan, joko bana berdinketa eman zen eta  kitarako jokoa jokatu behar izan zuten. 

Eneko-Izei bikoak, Adei-Mikel bikoaren kontra jokatuko du I. Irurako Ostatua Xare Irekiaren Gazte mailako finala. 

Hauek, datorren OSTIRALEAN, EKAINAREN  13AN, 19:00ETAN, hasita jokatuko dira. 

Irurako Ostatuak zozketatzen dituen bi otorduen zenbaki sariduna, 96 zenbakia izan zen, eta Josean Zabala izan da zorteduna.  Zorionak!!!