Larronde-Sistiague bikoa finalean!

Ligaxkako bigarren jardunaldian, Lopetegi-Castera bikoa (40-32) mendean hartu eta gero. 

Bikain eman zioten hasera partidari Joxi Lopetegik eta Andoni Casterak,  eta  partidaren lehen erdia(20-11) alde handiarekin amaitu zuten aurretik. Joxik ondo eutsi zien Jon eta Joelen erasoei, eta Andoni harrigarri aritu zen, ezinezko ziruditen pilota asko harrapatu eta tantoak amaituz.  Hemendik aurrera, Jon Larrondek eta Joel Sistiaguek jokoari martxa bat gehiago sartu zioten;   Joxi Lopetegi erabat  jokoz kanpo utzi zuten,   eta Andoni Casterari joko guztia zamatu zioten. Horren ondorioz, partida berriro ekartzea (22-21) lortu zuten,  eta, gainera, Andoni erabat akitu zuten. Hortik aurrera, Joxik eta Andonik, saiatu eta zertxobait eutsi bazieten ere(28-28), Jonek eta Joelek markagailuan aurrera hartzea lortu zuten,  eta partida (32-40) irabaztea lortu zuten.

Emaitza honekin,   Jon Larrondek eta Joel Sistiaguek VII. San Migel Xare Irekiaren finala jokatzeko txartela lortu dute. Bigarren finalista, ostegunean(19:00) Etxeberri-Borteyru bikoak eta Lopetegi-Castera bikoak jokatuko duten partidatik aterako da. 

Lopetegik eta Andonik ez daukate erraza, baina ezinekoa ere ez da; partida irabazteaz gain, 32 tantu baino gutxiagoan utzi beharko dituztelako Etxeberri-Borteyru finalean egon nahi badute.

Ikuskizun ederra ikusteko aukera ezinhobea. Erronka dago!