GIPUZKOA VS IPARRALDE, IGANDEAN, IRURAN!

GRABNI Txapelketaren  jardunaldi berri bat  jokatuko da asteburu honetan, eta Gipuzkoak Iparraldea hartuko du etxean. 

Xareko gure pilotariei dagokienez,  igandean, apirilaren 12an(10:30) jokatuko dute Irurako Ametsa trinketean. 

Hauek izango dira Julen Apeztegia Gipuzkoako hautatzaileak Gipuzkoa ordezkatzeko hautatu dituen pilotariak. 

Ibai Larrañaga eta Oier Garmendia izango dira Gazteak mailan;  Iparraldekoak, berriz, Jubera eta Jauregiberri; 22 urtez azpiko mailan,  Xuban Lopetegi eta Markel Mujika ariko dira Gipuzkoatik;     Iparraldetik, berriz,   Telletxea  eta Cassaing, eta Nagusi mailan, Joxi Lopetegi eta Oier Iturbe izango dira Gipuzkoako ordezkariak;  Iparraldetik, berriz,  Txomin Sasco eta Oihan Borteyru. 

Hortaz, igande goiz entretenigarria ziurtatuta dauka Irurako Ametsa trinketera hurbiltzen den orok,  xareko partida ederrak ikusi ahal izango ditu eta.