Matxalen Mendizabal eta Oier Garmendia finalean!

Ostiral iluntzean jokatu zen Ametsa trinketean  II. Irurako Ostatua Xare Irekiaren finalerdia. 

Unai Gibelalde-Ander Mujika eta  Matxalen Mendizabal-Oier Garmendia bikoek jokatu zuten elkarren kontra. Ligaxkan elkarren kontra jokatu zuten partidan, Unaik eta Anderrek 2-0 irabazi zuten, eta zertxobait faboritoago ziren finalerdia irabazteko. 

 Lehen jokoa,  lehiatua eta paretsua joan zen azken tantuetara arte; bi bikoek, asko zuten jokoan, eta  euren onena eman zuten,  baina, azkenean, Matxalen eta Oier (15-12) nagusitu ziren. Bigarren jokoa  buru belarri  irabaztera atera ziren Unai eta Ander,  baina  Matxalenek eta Oierrek ez zieten aukerarik eman, eta bigarren jokoa, lehena baino erosoago(15-9) irabazi zuten. Ondorioz, Matxalen Mendizabalek eta Oier Garmendiak,   II. Irurako Ostatua Xare Irekiaren finala jokatuko dute ekainaren 26an Ibai Larrañaga eta Markel Mujikaren kontra. 

Aste honetako Ostatuko bi otorduren irabazlea, Amaia Iturria izan zen. Zorionak!