top of page

25-26 Xare-eskola


Guraso agurgarriak,

24-25 xare eskolari amaiera, EKAINAREN 13an, Irurako Ostatua Xare Irekiaren finalekin eman eta gero,

25-26 xare-eskola planifikatzeko, bi galdera hauei erantzutea eskertuko genizueke:

1. NORK EZ DU 25-26 XARE-ESKOLAN JARRAITZEKO ASMORIK? (ezezkoak bakarrik erantzun, mesedez)

2. EGUNA EDOTA ORDUA ALDATZEKO

ASMORIK BADUZUE, ESAN ZEIN EGUN ETA ZER ORDUTARA ALDATU NAHI DUZUEN.

(aldatzeko asmoa duenak bakarrik erantzun, mesedez)

2. galdera honi erantzuteak eta bertan jarritakoak ez du esan nahi hor jarritako aukera izango denik. Zuek jarri, eta aukera guztiak aztertu ondoren, 25-26 xare-eskolaren egitasmo proposamena helaraziko dizuegu irailean.

Aurten izan diren Teknifikazio Taldeekin jarraitzeko asmoa dugu; litekeena da talde batzuetan aldaketa batzuk ematea. Dagokizuenoi jakinaraziko dizuegu aldez aurretik.

Horrez gain, aurten 2017. urtean jaiotako neska-mutilek xare-eskolan izena emateko aukera izango dute.

Horiekin zuzeneko harremanik ez dugunez, eskertuko genizueke, urtero bezala, taldeko norbaitek urte horretan jaiotako neska-mutilen gurasoren bati, gurekin harremanetan jartzeko esango bazeniote.

Horiez gain, Udaleko Berdintasun Batzordeak bultzatutako proposamenarekin bat eginez, lehen xare-eskolan ibilitako neskak, berriro xare jokatzen hastera animatu nahiko genituzke bereziki. Animo, nrskak!

Eta amaitzeko, 24-25 xare eskolari buruz, zerbait adierazi nahi badiguzue, zuena da hitza! Aurrera!

Ametsa Pilota Elkartea

 
 
 

Comments


bottom of page