Enaitz Irazustak eta Ander Mujikak lortu dute finalerako txartela!

Igande eguerdian Ametsa trinketean  jokatutako finalerdian 40-38 irabazi  zieten Ur Aristi eta Oier Garmendiari.

Partida ikusgarria jokatu zuten lau pilotariek, eta azken unera arte ez zen erabaki. 

Bikote bakoitzak garbi zuen  partida irabazteko egin beharreko jokoaz, baina bi bikoek ezin zuten irabazi, eta, horretan,  Enaitzek eta Anderrek asmatu zuten ondoen; hauek aukera zuten bakoitzean Urri jokatzea zuten aurreikusia, eta horrela,  Oier aurrera-atzera asko mugiarazi. Horrela egin zuten, eta, azkenerako, Oierrek leher eginda jokatu behar izan zituen azken tantuak, baina ez zuen etsi azken tantura arte, eta,  ezustekoa emateko zorian ere egon ziren Ur eta Oier. Azkenean, ordea, Enaitzek eta Anderrek partida irabazi zuten; biek oso partida ona jokatu zuten, eta finala jokatzeko txartela lortu zuten. Finala, lehendik txartela lortua zuten Unai Gibelalde eta Mikel Satrustegiren kontra jokatuko dute, ostiralean, otsailaren 21ean, 19:00etan, Ametsa trinketean.