top of page

Finalerdien atariko jardunaldi interesgarria!


ree

Gazte mailako partidan,  jokoan ezer ez bazegoen ere, bi bikoek ez zuten ezer hurrengorako utzi, eta dena eman zuten; garbi zegoen finalerdiko partidari begira, aurkariak moralki gainditu nahi zituztela;  irabazi egin nahi zuten. 

Enekok eta Izeik 2-0(15-11/15-14) irabazi zieten Pauleri eta Urri. Bi joko on ikusi ahal izan genituen, eta atzoko jokoa eta emaitzak ikusita, elkarren kontra jokatu behar duten  finalerdiko partida estua eta lehiatua izango da. 

Nagusien mailako lehen partidan, Julen Apeztegiaren lesio bat tarteko, aldatu egin behar izan genuen partida, eta zoritxarrez Ibaik ata Julenek ezin izango dute txapelketa amaitu; Ibai ilusio handiz zegoen, eta pena izan da bereziki berarentzat. Animo, bioi!

Horren ordez, Matxalen-Ander eta Unai-Markel partida jokatu zen. Bi joko gogor ikusi  genituen, baina,  azkenean, Unaik eta Markelek,  biak(15-11/15-13) irabazi zituzten. Emaitza honekin Unai- Markel bikoa sailkapenean hirugarren postuan geratuko da, eta Matxalen-Ander laugarrenean. 

Eguneko azken partidan,  Xubanek eta Gorkak, Enaitzen(Oier Garmendiaren ordez)eta Oierren kontra jokatu zuten. 

Sailkapeneko lidertza zegoen jokoan, baina banako berdinketa(9-15/15-5) eman zenez, momentuz,  Xuban-Gorka eta Matxalen-Ander partida jokatu arte, eta horren emaitza jakin arte, Enaitz-Oier bikoak lehen postuan jarraituko du, eta Xuban-Gorka bigarrenean. Aipatu azken partidak  finkatuko du ligaxkako sailkapena eta finalerdiak. 

Amaitzeko, Irurako Ostatuan 2 otordu egiteko zenbaki sariduna 77 zenbakia izan zen. Zozketa egin zenean, sariduna bertan ez zegoenez, zenbaki hori duena jar dadila gurekin harremanetan. Zorionak! 

ree
ree

 
 
 

Comments


bottom of page