Gazte mailako xareko finala ostiralean!

Gazte mailako Gipuzkoako Xare Txapelketaren finala jokatuko da ostiralean, otsailaren 21ean, 19:00etan, Irurako Ametsa trinketean. 

Ligaxka eta finalerdia jokatu ondoren, Unai Gibelaldek eta Mikel Satrustegik,  Enaitz Irazusta eta Ander Mujika izango dituzte aurkari finalean.  

Unai eta Mikel partidarik galdu gabe heldu dira finalera; Unaik berea ematen badu, aldetxoa markatzen du,  eta Mikelek orain arte eman duen mailari eusten badio, finala irabazteko faborito  dira.

Hala ere, Enaitzek eta Anderrek ezustekoa eman dezakete;   gora egin dute euren jokoan azken partidetan, eta ondo moldatzen ari dira elkarrekin, bikote orekatua osatuz. 

Horrez gain, finaletan, beste eragile batzuk ere izan ohi dira (urduritasuna dela, egun txarra dela, pilotak direla...), eta horiek ere kontuan izan behar dira. 

Hortaz,  Unai eta Mikel faboritoak izan arren,   partida estua eta lehiatua izatea espero dut, eta ez nintzateke harrituko Enaitzek eta Anderrek ezustekoa ematea ere. 

Onenek irabaz dezatela!