Irurako Ostatua Xare Irekia!

Irurako Ostatua Xare Irekia! 

Ostiralean, maiatzaren 9an, hasi eta ekainaren 13an amaituko da Irurako Ametsa trinketean I. Irurako Ostatua Xare Irekia. 

Bi maila desberdinetan jokatuko da(Gaztetan eta Nagusietan). 

Gazte mailan 3 bikotek parte hartuko dute( Paule-Ur; Adei-Mikel eta Eneko-Izei). 

Nagusi mailan, berriz, 5 bikote arituko dira ( Julen-Ibai; Unai-Markel; Matxalen-Ander; Xuban-Gorka eta Oier G.-Oier I.). 

Lehendabizi, bi mailatan, ligaxka bat jokatuko dute denek denen kontra; gero, finalerdiak jokatuko dira;  Gaztetan, multzoko 2.a vs multzoko 3.a, eta Nagusietan, multzoko 1. vs multzoko 4.a eta multzoko 2.a vs multzoko 3.a. Eta amaitzeko, finala. 

Ostiralean, 17:30 hasita, bi partida jokatuko  dira; lehenean, Gaztetan, Paule- Ur eta  Adei- Mikel arituko dira, eta bigarrenean, maila Nagusian, Julen-Ibai eta Unai-Markel. 

Eskerrak eman nahi dizkiogu Irurako Ostatuari txapelketa hau babesteagatik eta xareari laguntza estimagarri hau emateagatik. 

Txapelketa babesteaz gain, jardunaldi bakoitzean, txartel batzuk (1€) egongo dira salgai ikusleentzat.  Saldutako txartelen arabera, jardunaldi bakoitzaren amaieran, Irurako Ostatuan   2 otordu egiteko  zozketa egingo da. 

Saritutako zenbakia egunean bertan trinketean, edo Irurako Ostatuan eta Ametsa Pilota Elkartearen web orrian jakinaraziko da.