Jardunaldi amaierak, gazitik gehiago!

Iparraldeko 25/26 Neguko Xare Txapelketako aste honetako partiden amaierak gazitik gozotik baino gehiago izan du   Ametsako pilotarientzat. 

Bisita bikoitza zuten Ametsako pilotariek Urruñara, larunbatean; goizean,  2. Mailan, Urruñako Gortari-Arrizabalaga bikoak 40-17 mendean hartu zituzten Ander Mujika(Unai Gibelalderen ordezkoa) eta Gorka Huizi. Emaitza honekin, Ametsako bikoa,  final-laurdenetan sartzeko aukerarik gabe geratu da. Animo! 

Arratsaldean, berriz,  Ur Aristi eta Izei Garmendia gaztetxoen txanda izan zen, eta ozta-ozta izan bazen ere,Izeik eta Urrek 40-39 irabazi zieten Salaberri- Sorhuet urruñarrei.  Emaitza honekin Izei eta Ur final-lardenetarako sailkatu dira. Zorionak! 

Iruran jokatutako partidan,  Gazteak mailan,  Hazparneko Noizbait taldeko Jubera-Gillentegy bikoak 40-25 irabazi zion  Ametsako Larrañaga I-Garmendia I bikoari.

Ibaik, Oierrek eta Anderrek osatzen dute taldea, eta hauek ere  final-lardenetarako sailkatuak dira. Hala ere, final-laurdenak jokatu aurretik,  datorren asteburuan ligaxkako azken jardunaldia jokatu beharko dute Ametsako taldeek.