top of page

Jardunaldi bikaina ostiralean jokatutakoa!


ree

Ostiraleko kronikaren atarikoan aurreratu nuen, partida onak eta sailkapenari begira  argigarriak izan zitezkeela jardunaldi honetakoak, eta horrelaxe izan zen.

Jardunaldia ireki zuen Gazteen partidan, Adei eta Mikel bikoak 2-0

(15-11/15-14) irabazi zion Eneko-Izei bikoari. Bi joko oso  on ikusi genituen, eta bi jokotan azken unera arte  ez zen ezer erabaki. Lehen jokoa estua izan zen, eta Adeik eta Mikelek atera zuten aurrera asko kostata; bigarrena are eta estuagoa eta lehiatuagoa izan  zen. Eneko eta Izei 14-11 aurreratu ziren markagailuan, eta banako berdinketa izango zela zirudien, baina azken unean Adeik eta Mikelek margailua irauli ehin zuten, eta bigarren jokoa ere 14-15 irabazi zuten. Ondorioz, Adeik eta Mikelek finala jokatzeko txartela lortu zuten. Datorren ostiralean(17:30), jokatuko da Paule-Ur eta  Eneko-Izei partida, eta jokoan ez dute ezer izango; irabazi edo galdu, elkarren kontrako finalerdia jokatu beharko finalerako bigarren txartela lortzeko.

Nagusien partidek ere ez zuten hutsik egin, eta  xareko bi partida eder eskaini zizkiguten.

Lehen partida ikusgarria izan zen; lau pilotariak bikain aritu ziren, eta bi jokoak azken tantua jokatuz(14-14) amaitu ziren, eta biak Oier Garmendia eta Oier Iturberen alde erori ziren; Unai Gibelaldek eta Markel Mujikak ere merezi zuten joku bat irabaztea, baina  beste batean izan beharko du. Oier-Oier bikoa garaipen honekin sailkapeneko buruan jarri da, eta finalerdietan izateko sailkapena euren esku daukate.

Bigarren partidan, berdinketa(1-1) eman zen; lehen jokoa Ibaik- Julen bikoak (15-11) irabazi zuen, eta bigarren jokoa Xuban-Gorka bikoak(15-13) irabazi zuen, hortaz puntu banaketa eman zen. Lau pilotariak oso ondo aritu ziren, baina bereziki bi gaztetxoen lana ( Oier Garmendia eta Ibai Larañaga) azpimarratuko nuke.

Emaitza honekin bi bikoak sailkapenean 2 eta 3. postuetan berdinduta geratu dira, finalerdietan izateko urrats handia emanez.

Partiden amaieran Irurako Ostatuan 2 otordu egiteko zozketan, 61 zenbakia atera zen, eta Josemari Mujikari egokitu zitzaion. Zorionak!

ree

ree

 
 
 

Comments


bottom of page