Lehen itzuliaren amaiera!

Trinketeko Euskal Ligaren lehen itzuliaren  amaierako jardunaldia jokatuko da igandean, maiatzaren 25ean(10:00), Irurako Ametsa trinketean.

Azken partida Ametsa A taldeko Unai Gibelaldek eta Gorka Huizik, Behar Zana taldeko Joxi Lopetegi eta Xuban Lopetegiren kontra jokatuko dute. 

Joxik eta Xubanek jokatutako partida irabazita daukate, eta igandean irabazten badute, sailkapeneko lidertzan jarriko dira, bigarren itzuli eroso bati begira.  Unaik eta Gorkak galtzen badute, berriz,  sailkapeneko azken postuan geratuko lirateke, eta bigarren itzuli zail samarra geratuko litzaieke azken sailkapenari begira, multzoko bi lehen sailkatuek finala jokatuko baitute zuzenean.