Ligaxkako azken jardunaldi erabakiorra, ostegunean!

Urriaren 2an, ostegunean, (19:00) jokatuko da Irurako Ametsa trinketean VII. San Migel Xare Irekiaren ligaxkako azken partida. Bertan, Etxeberri-Borteyru bikoak, Lopetegi-Castera bikoaren kontra jokatuko du. Etxeberri-Borteyru bikoa estraineko jardunaldiko partida irabazita heldu da azken jardunaldi honetara, eta, abantail handi samarrarekin helduko dira partida honetara. Ondorioz, 32 tantu egitea aski izango dute finalerako txartela lortzeko. Euren aurkari izango den Lopetegi-Castera bikoak, berriz, 32 tantutan baino gutxiagoan utzi beharko dute Etxeberri-Borteyru bikoa finala jokatu nahi badute. 

Aurreko partiden emaitzei begira jartzen bagara, zail izango dute Joxi Lopetegik eta Andoni Casterak, baina beti diodan moduan, pilota borobila da, eta horrelakorik gertatu izana, ez da lehenengo aldia izango. Horrez gain, biko handia osatzen dute Joxik eta Andonik, eta edonori irabazteko gai dira. Hortaz, konfidantza apur bat 

emango  diegu Joxiri eta Andoniri. 

Aukera bikaina ostegunean trinketera hurbiltzeko eta xare partida ikusgarria eta tentsio handikoa ikusteko.

Espero zaituztegu!