Matxalen Mendizabal eta Oier Iturbe garaile!
- ametsaxareirura
- Mar 23
- 1 min read

Gorka Huici eta Julen Apeztegiari (40-25) irabazi zieten ostiral iluntzean Ametsa trinketean jokatutako partida. Ondorioz, hauek finaletik kanpo geratu dira, eta Gipuzkoako xare Txapelkaren Nagusi mailako finala erabakita geratu da: Mendizabal-Iturbe eta Lopetegi II-Mujika bikoen artekoa izango da.
Arestian esan bezala, ostiral iluntzean, Ametsa trinketean jokatu zen partida gazi-gozoa izan zen, eta ez gintuen asebete. Lehen hamabost tantuetan parekotasun handia izan zen markagailuan eta jokoan, eta lau pilotariak maila onean aritu ziren. Hemendik aurrera, Matxalenek eta Oierrek euren jokoari eutsi egin zioten, eta Gorka eta Julen behera etorri ziren( 20-14/26-16/30-20) . Hurrengo tantuan, Julenek pilotakada bortitza eman zion Matxaleni, eskuin besoaren atzeko partean, ukondotik gertu. Denbora pixka batean jokoa geldirik egon zen; Matxalenek partida jokatzen jarraitu ahal izan bazuen ere, ezin izan zuen gehiegi sartu jokoan, kolpeak besoa nerbiorik gabe utzi baitzion.
Espero dezagun Matxalenek kolpea baino ez izatea, eta ligaxkako azken partidarako edota finalerako errekuperatuta izatea.
Hortik aurera, Oierrek lan bikaina egin zuen, eta markagailuari eusteaz gain, handitzea ere lortu zuen (10-5) partziala egin, eta partida (40-25)irabaziz.
Datorren asteburuan, larunbat goizean, Hazparen GRABNIko jardunaldia daukagu Iparrakdeko ordezkarien kontra.




Comments