Ostiralean, 3. Jardunaldia Ametsa trinketean!
- ametsaxareirura
- May 19
- 1 min read

I. Irurako Ostatua Xare Irekiaren 3. jardunaldia jokatuko da maiatzaren 23 an, ostiralean(17:30), Irurako Ametsa trinketean.
Gaztetxoen mailan, Enekok eta Izeik, Adei eta Mikelen kontra jokatuko dute. Parekotasun handiko partida izatea espero da; bi bikoak maila aldetik oso orekatuak daude, eta denek euren maila ematen badute, oso partida ona eta lehiatua ikusi ahal izango da. Adeik eta Mikelek irabaziko balute, finalean zuzenean izateko txartela irabaziko lukete, eta Enekok eta Izeik irabaziko balute, berriz, hauek ere aurrerapauso handia emango lukete finalera zuzenean sailkatzeko, oraindik jokatzeko partida bat geratu arren.
Nagusien mailan, sailkapen postuak finkatu samarrak badaude ere, erabat erabakitzear daude oraindik, baina jardunaldi honetako partiden emaitzek erabakixeago utz ditzake.
Lehen partidan, Xuban-Gorka bikoak, Ibai-Julen bikoa izango du aurrez aurre. Bi bikoak jokatutako euren partidak irabaztetik datoz, hortaz, partidaren irabazleak urrats handia emango luke finalerdiei begira. Galtzaileak, berriz, itxaron egin beharko luke geratzen diren partiden emaitzen zain.
Eta bigarren partidan, Unai-Markel eta Oier-Oierren artekoan ere, antzeko zerbait gertatuko litzateke. Oier biek irabaziko balute, urrats handi emango lukete finalerdietan izateko.
Hortaz, jardunaldi interesgarria ikusteko aukera ezin hobea, ostiralean, 17:30etik aurrera, Irurako Ametsa trinketean jokatuko dena.
Eta ez ahaztu, Irurako Ostatuak (1€ truke) 2 otordu zozketatuko dituela, jardunaldi guztietan bezala.




Comments