top of page

Unai Gibelalde eta Xuban Lopetegi, txapeldun!

ree

Ximun Bros eta Illan Jauregiberri, Iparraldeko ordezkariei, nagusitasunez(40-20) irabazi zieten GRABNI 25eko Gazteak mailako xareko finala. 

Unai eta Xuban oso ondo aritu omen ziren, eta estuasunik pasa gabe lortu omen zuten garaipena, oso maila ona erakutsiz. 

Nagusiak eta 22 urtez azpikoak, berriz,   hurrenez hurren, Joxi Lopetegi-Oier Iturbek eta Matxalen Mendizabal-Markel Mujikak, galdu egin zituzten euren finalak.

Joxi Lopetegik eta Oier Iturbek 40-32 galdu zuten Andoni Castera eta Txomin Sasco Iparraldeko ordezkarien kontra. Partida estua eta maila onekoa  izan omen zen azken hamarkada arte(32-30). Honetan, gureen zorte txar apur bat eta neke pixka bat  medio,  garaipena(40-32) iparraldeko bikoarentzat izan zen. 

Eta  22 urtez azpiko partidan, Matxalen Mendizabalek eta Markel Mujikak ere (40-16) galdu egin zuten euren partida, Cassaing eta Jon Lafarge  bikote sendo eta oso on baten kontra. Matxalen eta Markel trinketera moldatu ezinik ibili omen ziren, eta, gainera, ohi baino huts gehiago egin omen zituzten.

Zorionak, bereziki, Unai eta Xuban   txapeldunei, eta baita txapelduordeei ere, denok merezi dituzue eta.

ree
ree

 
 
 

Comments


bottom of page